فاكر اول يوم حضانة؟؟

ونقول صباح الفل وازيكوا وازاى اللى عندكوا وكلوا كلوا كلوا..المهم قبل ما انام امبارح بصيت فى السقف وتنحت وافتكرت موقف غريب موت اول يوم حضانة..هحكيلكوا عليه..انا اول يوم حضانة مكنتش عاوزة اسيب ماما خالص وكنت بعيط وبقيت اشجع نفسى واقول انا كبرت ماما حاولت تصحينى الصبح حاولت استعبط واعمل نفسى نايمة وما قمتش غير اما لقيت زغزغة نازلة عليا زى الدوش...قمت طبعا وامرى لله..لبست وماما سرحتلى شعرى وعملتلى الضفيرة وفضلت تقولى بنوتى كبرت وراحت المدرسة حسيت انى بقيت قد الوزيرة مثلا..نزلت وجبت الزمزمية كانت لونها احمر على شكل تليفون اتخرمت منى وبقيت اعيط ازاى تتخرم منى مش قادرة انسى ساعة اما وصلت لباب المدرسة وبقيت لوحدى مكنتش طايقة اشوف حد وعاوزة اروح على البيت دخلت الفصل وفتحت سيمفونية عياط والعيال يردوا عليا روحت لعبت وكان يوم جامد واتعرفت على عيال كتير وعلى اخر اليوم كنت اخر واحدة بتروح من المدرسة ومكنتش عاوزة اسيب صوحاب الحضانة..سبحان الله دلوقت كل واحد بقى فى طريق...عاوزاكوا تفتكروا معايا اليوم ده اد ايه احنا مفتقضين لحظات جميلة ممكن نعيشها وتقصر فينا زى ما بنقصر فيها ...اكيد زمان كان احلى مكنش فى مشاكل مكنش فى هم نشيلوا..ولا بكرة نفكر فيه غير فى اللعب وبس...والسلام ختام

الموضوع حلو اوى بجد ..........
بس أنا للأسف مرحتش حضانه لانى مكنتش فى مصر.....
عموما ممكن أحكى عن أول يوم مدرسه فى سنه أولى ابتدائى يا لهوى كان حتة يوم
مبدئيا ليلة اليوم البشع ده منمتش خالص وفضلت أعيط لماما وأقول لها مش عايزه أروح المدرسه انا افتكر ماما يومها قالت لبابا بلاش نسيبها السنه دى كمان صعبت عليها وكمان كنت اقل من السن القانونى بابا قال لها خليها جنبك بقى وبلاش تتعلم!!!!!!!
المهم بابا ودانى بالعربيه هو وماما طبعا وكأنى رايحه النار مثلا وبلا رجعه........
دخلت من الباب من هنا وماما فضلت معايا وسابتنى اسرح شويه مع العيال وانا سهيت لمدة 5 دقايق وبعدين التقت ملقيتش ماما وكانت لحظه بشعه جدا ههههههههههههههههههه
طلعت اجرى واقول مش عايزه اجى هنا تااااااااااااانىىىىىىىىىىىىىىىىىىىىىى
انا فعلا اخدت كتير على ما اتعودت على المدرسه وعلى الناس خصوصا انه مكنش منهم ولا واحده مصريه لكن حتى الان كانت المدرسه الابتدائى اجمل المدارس اللى رحتها هى فعلا لحظات جميله ولا تنسى واتذكر جمله قرأتها يا ليتنى ظللت صغيرا حيث كانت اكبر همومى لعبتى
على الاقل مكنش فيها جراااااااااااااااحه
يلا دعواتكم بقى علشان الامتحانات
ونأسف على الاطاله والسلام عليكم

ايه العلم الي بتفتكر اول يوم حضانه ديه
انا لافكره اول يوم حضانه ولا حتي اول يوم مدرسه
انا فكره اول يوم كليه ممكن احكي عنو هههههههههههههههههههههه