الدنيا ولعت كان ايام زمان الدنيا هاديه ومش في النار اللي موجوده في كل حته مش اي نار نار الغلاء في يوم من الايام رحت اشتري عيش فينو قلت لعمو يا عمو عايزة فينو راح اديني الفينو وما ادراك ما الفينو الرغيف نازل عليه التخفيض كان ايام زمان مش زمان اوي رغيف الفينو كان يملي العين اما دلوقتي خد عين ياريت علي كده وبس الرغيف بقي ب15 قرش وفي اشاعه انه بقي ب25 قرش المشكله مش مشكلة الفينو المشكله موجوده في كل حاجه اكل ولبس ومصاريف واجرة مواصلات وكل حاجه اليومين دول في احد الجمعيات نزلت قرار بمقاطعة اللحمه علشان الغلاء ففي واحد قال احسن برده معظم الشعب المصري مش بياكل لحمه اصلا الاسعار بتولع والمرتبات زي ماهي والناس زي ما هي ما بتتكلمش لا بيتكلموا بينهم وبين بعض ياتري ايه سبب الغلاء ده فعلا الحاجه تستاهل انها تغلي مرة واحده ولا السبب في سلبيتنا وسكاتنا ورضانا بالامر الواقع اللي مسبب لنا ضرر ولا غضب من ربنا علينا علشان استهترنا بامور كتير في دينا ؟ وياتري هنفضل ساكتين علطول هنتحرك امتي عمال الغزل والنسيج اتحركوا علشان الضرر كان هيصبهم طلبوا بحقهم وعملوا اعتصمات وصوتهم وصل ورجعوا شغلهم احنا بقي هنتحرك امتي لما الضرر يصيبنا اكثر من كدا اكثر من ان معظم الشعب المصلري بقي من معدومي الدخل شويه شوية هنصدرهم مع ان مصر مواردها كتير وخيرها كتير بس اللي بينهبوها اكتر امتي هنتحرك ونثور لحقوقنا ولبلدنا
الخميس مارس 06, 2008 9:35 pm
