ماذا تفعل لو كنت مكانى!!!!!

بسم الله الرحمن الرحيم
كيفكم يا شباب يارب تكونوا فى أحسن حال
النهارده....عايزه أناقشكم فى موضوع كده... ماذا تفعل لو كنت مكانى!!!!! 082502now_prv

وأنا راجعه من الكليه فى الشمس الحارقه. ماذا تفعل لو كنت مكانى!!!!! SugarwareZ-004

..قمت بركوب وسيلة المواصلات البشعه المدعوه MCV بغض النظر عن انى مش فاهمه معنى اسمها...ولا هو اختصار ايه...انما مش أزمه عادى يعنى...مش موضوعنا...ركب معانا مجموعه من الشباب....حوالى 5 أو 6 ....سامحهم الله...كمية تهريج وقلة أدب وصوت عالى وعدم احترام لا لكبير ولا لصغير لا لبنت ولا لست ولا لراجل كبير...
يمكن يكون الموضوع ده عادى بالنسبه لناس كتير...انما أنا بما انى حديثة العهد بوسايل المواصلات العامه لانى طبعا بعد الامتياز أصبحت من الطبقه الكاااادحه ومرتباتنا ما شاء الله بدل ما تزيد بتقل....وطبعا عملت واحده وقلت لبابا لالالالالالالا مش هاخد مصروف أنا لازم أخف عليك الحمل شويه...وياريتنى ما عملتها ماذا تفعل لو كنت مكانى!!!!! Big_smile

....يا جماعه أنا مش متخيله كمية الزعيق والازعاج الرهيب اللى أنا شفتها...لا واللى زاد وغطى كمان...ركب معانا راجل شكله لسه خارج من عمليه ودايخ وماسك جنبه...ان حد من الشباب يتحرك ويقوم عشان يقعده...أبدا...فى الأخر قامت بنت وقعدت الراجل!!!! ماذا تفعل لو كنت مكانى!!!!! 062802puke_prv

ماذا تفعل لو كنت مكانى!!!!! 062802puke_prv

يا جماعه احنا شهامتنا ورجولتنا راحت فين........ ماذا تفعل لو كنت مكانى!!!!! Ma%20(28)

احترام الكبير راح فين.....
ولا مكنش موجود أصلا.....
المشكله كمان انه محدش من الناس الموجوده حاول يكلمهم أو يردعهم عن التصرفات دى... ماذا تفعل لو كنت مكانى!!!!! Baaa2

السؤال بقى...لو حد من الشباب المحترم اللى معانا فى المنتدى كان فى الموقف ده....هيتصرف ازاى مع الشباب دول؟؟؟
هتكلمهم؟
ولا هتسكت وتقول أنا مالى..؟؟؟
يا جماعه ده راجل كبير حاول يكلمهم ويقول لهم حرام عليكوا الصوت فضلوا يتريقوا عليه طول السكه..... ماذا تفعل لو كنت مكانى!!!!! SugarwareZ-002

ماذا تفعل لو كنت مكانى!!!!! SugarwareZ-002

والله ما عارفه أقول ايه... ماذا تفعل لو كنت مكانى!!!!! Mm1

بجد بجد.....
حسبى الله ونعم الوكيييييييييييل

بسم الله الرحمن الرحيم ..................

الموقف الذى شرحتيه لنا يا (بسمة) موجود كثيرا فى حياتنا , بل قد يكون اصبح احد الواجبات اليومية التى يجب ان يقوم بها بعضهم ,ولكن عن سؤالك فالشهامة موجودة بالفعل ولكنها ذائبة بين العدد الكبير ممن لا يمتلكونها , اما عن تصرفى , فقد قال رسول الله صلى الله عليه وسلم " من راى منكم منكرا فليغيره بيده فان لم يستطع فبلسانه......" , وهذا ما يجب ان يسير عليه كل مسلم , شكرا يا (بسمة) على مواضيعك الجميلة فهى تحتاج دائما لمناقشة طويلة.

مصطفى

والله يا مصطفى انا راجعه امبارح من الكليه مش عايزه اقولك تعبانه ازاى لدرجة انى حطيت دماغى تحت الميه الساقعه عشان افوق
والله كل خوفى على الشباب دول ان حد من الناس الكبار التعبانين يدعى عليهم دعوه فى ساعة اجابه ربنا يتقبلها عليهم!!!
مش ممكن كمية قلة الزوق والامبالاه
شكرا على مرورك...وربنا يهدى

بسم الله الرحمن الرحيم..................

وفقك الله يا (بسمة) فى دراستك وكلل جهودك بالنجاح دائما , ولكن عن دعوة الكبار على الشباب المستهتر فهى مستحقة وان اصابتهم باذى , ولكننى لست اعتقد ان هذا سيحدث فانت تعلمين كم ان الجسد المصرى مصفح ومحصن ولا يؤثر فيه شىء سواء اذا كان مادى او معنوى , ندعو الله ان يهدى الجميع الى ما فيه الخير .

مصطفى.

لو كان قلبي صخره فليفتتها كلام الله ده واقعنا للاسف مش عارفين دينا كويس
للاسف حسبي الله ونعم الوكيل
لا اله الا الله محمدرسول الله

جزاكم الله خيرا على الدعوات يا مصطفى ربنا يكرمك ولك المثل ان شاء الله
امير اهلا بيك فى الموضوع ولا اجد ردا سوى حسبى الله ونعم الوكيل فى مثل هؤلاء الشباب
وربنا يهدى