موضوع الحب على النت ابدى رايك معنا هل تؤيد ام تعارض

بسم الله الرحمن الرحيم

سؤال محير وشائع بها الايام
هل من الممكن ان تحب احد لم تراه عينيك..................................؟
هل من الممكن ان تحب احدا عبر الانترنت او عن طريق التلفون او عن طريق البريد ولم تراه عينك........................؟
هل تعتقدو بان هذا يكفي ......؟ هل تكفي بان نحب ....................؟
هل تؤيد بان النت او علااقات النت مجرد صدمات ومقالب .......؟ لمجرد التسليه فقط .......؟
لانه عالم مخفي وواسع جدا .....................!
براي الشخصي اقول ان الحب مشاعر واحاسيس ................
فهل تؤيدون
اتمنى من الكل المشاركه لما فيه اهميه لنا ولكم ان شاء الله

اكيد اعارض وبشده
فهذا شئ جديد علينا نأباه000

شكرا جدا على ردك وصراحتك منور الموضوع

اولا الحب في اي صورة وارد
ومحدش يقدر يجزم انه مش موجود
بس حب النت بيفتقد الحس الوجداني
بمعني
الشخصين اللي بيحبوا بعض بيتحابوا حب ناقص
يعني دا بيحب فكر دا والطرف الاخر يعني حب فكري في ظل اهمال المقومات البشرية الاخري
اذا وجد الحب الصحيح فلابد ان يوجد ككل وليس بعض
واحيانا المتحابين عن طريق النت بيتقابلوا ويتعارفوا
وهنا بيبقي في احتمالين اما الاكتمال او الفشل

الله عليك يا احمد مش المصرى يا احمد يا حكيم كلامك حلو جدا ومقنع شكرا ومنور الموضوع ويا رب اكون حتى الان عند حسن ضنك

كلنا اخوه ومفيش فرق بين حد وان كان حد فينا حكيم يبقي بالمشاركه
اشكرك

انا كنت بكلمك انت كرجل فاهم ودة موقعك مش عشان حاجة كان نفسى تقول رايك فى لان دى اول مرة استريح فى منتدى واشتغل فية الشغل دة عموما شكرا ليك

انا معاك ان الحب احساس ومشاعر بس برضه زى ما المصرى قال
فى حاجات تانيه غير الاحاسيس والتوافق الوجدانى الرائ مختقلف فى الموضوع ده لان كل حاجه فيها نسبه فشل ونجاح بس فى الموضوع ده نسبه الفشل بتزداد والنت مش تسليه يا برنس
بدليل الصداقات اللى بتكون عليه واللى بتستمر اكتر من سنه مثلا بس انا مبشجعشى الحب على النت ده خالص ده حتى مش صحى على المخ وكل واحد ورائيه

انا من رائى حب النت وارد جدا وصحيح لان الانسان لما بيحب حد بيحب شخصيتة مش شكلة فاشخصيات والمواقف بتبان عن طريق الكلام فئنا بجد رائيي اختلف جدا عن تجربة يا جماعة وعندى امثلة كتير عن الحب فى النت وناس قريبين منى جدا ونجحت لكن منكرش ان نسبة الفشل واردة انة ممكن يكون من طرف واحد وشكرا ليكو

ممكن فعلا يكون من طرف واحد
كل شخص ورائيه والراء بتختلف

شكرررررررررررررا

الحب عن طريق النت ممكن يفشل وممكن ينجح زيه زي اي موضوع سواء الصالونات او الحب عن تعامل وجها لوجه بس المشكلة هل هو حلال ولا حرام ده اللي يهمنا

الحب عن طريق النت ممكن يفشل وممكن ينجح زيه زي اي موضوع سواء الصالونات او الحب عن تعامل وجها لوجه بس المشكلة هل هو حلال ولا حرام ده اللي يهمنا

منوره المنتدى يا داليا ده اولا
ثانيا معاكى حق حلال ولا حرام بس انا شايفه انه لو كان فى نطاق واضح من الاتنين من الاول يبقى ايه اللى ممكن يحرمه زى مثلا لما حد يتقدم لواحده ويتعرف عليها الاول ماهى نفس الفكره المهم الوضوح طبعا لكن بما ان نسبة 99% مش واضحين يبقى نبعد عن السكه دى افضل تجنبا للشبهات والله اعلم وربنا يهدينا جميعا

يا جماعه انتم بتتكلموا في اساس غلط اصلا

النت بيبقي مجرد مرحلة تعارف حزر يعني

مينفعش تقوم علاقة حب عن طريق نت

لافتقاد الحس البشري والطابع الانساني

ممكن تعرفي او تعرف اخلاق وسلوك وسمات

الطرف الاخر من النت فبتبقي باديء تعارف جاد

انما التعبير عن الاحاسيس عن طريق الآله اللي هي

جهاز الكمبيوتر دا اسلوب عقيم جدا وغلبا بيبقي

ستار سهل للغش والخداع اي فرد متمكن من اسلوبه في

الكلام ممكن يبقي دنجوان ويحب من الجنس الاخر الاف

صح ولا غلط

صحيا احمد انا معاك فى الى انتى بتقولة لان ممكن النت دا يبقى عبارة عن غش ودحك على الناس والله

طبعا انا مع حسام وادمن فى ان النت المفروض يكون مرحلة تعارف ده بالتاكيد طبعا مش ممكن اتنين عمالين يحبوا بعض على النت واول مره يتقابلوا عند المأذون مثلا اكيد هى مرحله طبعا بس وممكن جدا تنجح وممكن جدا تفشل

شكرا اوي علي الاراء المختلفة والمتفقة دي
بس انا عندي راي
الحب علي النت ممكن يكون ايجابي ويوصل لدرجات النجاح
وده عن طريق صراحة كل من الطرفين
وباعتبار ان الصراحة هتكون عن طريق الجهاز العقيم زي ما قال ادمن
فده هيتوقف علي مشاعر كل منهم
مش تحكم الالة العقيمة في مشاعرهم
وهيكلل الحب علي النت بالنجاح الفعلي
لو كل واحد سمع صوت التاني ولو لمرة واحدة
وشافه حتي لو كان بعيد عنه
وبهذه الصورة الحب هيكلل بالنجاح وهيوصل للطريق الصحيح وهو الزواج طبعا
اما اذا افترضنا عدم صدق وصراحة الطرفين
في محادثات كل منهم فمن المستحيل ان مشاعر كل منهم تتوافق
وهيكون بينهم شك دائم بان احد منهم غير صريح مع الاخر في محادثاته معه وبالتالي لن يتم الحب
وهيعرفوا هم الاتنين من خلال قلوبهم ان كل واحد منهم مش بيحب التاني
وبكده الحب هيكون فاشل عن طريق هذه الدلائل

ولوافترضا فراسة ومهارة الشخص في كلامه المعسول

فان هذا الكلام لن يطول وسوف تظهر بوادر لانهاء هذه المهارة ولن يستطيع انسان مهما كان دينجوان

ان يسيطر علي حبيبه ويعطيه حبه وهو يقصد من ذلك التسلية

وهذا لان الله خلقنا بطبيعتنا اخياروليس اشرار

لكي نلعب بقلوب وعقول الاخرين
اتمني رايي تكونوا فهمتوه ومكنش طولة عليكوا
ورايي ده من منطلق تجربه حقيقة وحب حقيقي علي النت
لكن الفشل قد جاء ليس عن طريقي او طريقها ولكن جاء عن طريق القدر المكتوب علي كل واحد
اي وهو الوفاة
وبالرغم من ان الموضوع صعب عليا اني اتكلم فيه لكن فضلت اشارككم الراي
واسف للإطالة في الحديث

فااااااااااااااااااااااااشل بكل المقاييس واعارضة بشدة لان كل واحد فيحاول يخفى عيوبة عن الطرف الاخر

ثانيا لازم كل واحد يحس باللى ادامةعلشان يحكم انة بيحبة ولا لا مش مجرد كلام
وغالبا بتكون علاقة وقتية فااااشلة

شكرا علي رايك

بس ده رايك وانت حر فيه يا محمد

ورايك ده اكيد خارج عن بعدك وتجاهلك لحب الاخرين
وعدم ثقتك في احساسك علشان محستش حد يحبك بجد

اولا احب اشكر من كاتب الموضوع

ثانيا احب اشكر جميـــع اخوانى اللى ردوا على الموضوع الشيق والجميل دة

وايضا اتمنى من الجميع يبدى رايه بصراحه

ثالثا احب ان ابى بالراى على هذا الموضوع

حب على النت هوة حب جمـــيل لا يفتقد اى نوع من الحب بالنسبه للى بيحب عارفين لية هقولكم

وذلك لان هوة عندوا النقص فى البيئه المحيطه (( لا احدا يحبوا او ليس لديه معارف او اصدقاء يحبونة )) ولذالك يريد ان يتغلب على البيئه لكى يثبت لها انه ممكن ان يحب ويتحب

وهوة حب ليس بالسؤ كما قالو وانما هوة حب كلو صدق مع اختلاف بيئه الناس ((عقولهم))

اننى اتعاطف مع الذين يحبون عن هذا النوع من الحب ولكن لابد من الحذر يا اخوانى

وذلك لان بعض الناس يحبون ان بلعبون بعقول الاخرين عن طريق الحب او علشان يتقرب اليه يقول له اننى احبك

ولكن لابد ان العطف عليهم ليس بان نشفق عليهم بل نبادلهم نفس الشعور فعلان

لكى يملؤا الوحدة التى لديهم (عن طريق نكون اخوات وكدا ) ونسال عليهم

حتى لا يشعر احدهم بالوحدة اذا حد قابله هذا الشخص الطيب

واشكر ثانيا جدان لكاتب الموضوع الشيق دة

ومنكم نستفيد

تحياتى ليك وبانتظار باقى المواضيع الشيقه

تقبل مرورى و ردى على الموضوع

شكرا لردودكم ومازلتن اتقول يوجد حب على النت اذا قامت على الصراحة الفعلية بين الاثنين يوجد حب على النت بس معضمة يكون فاشل شكرا لردودكم

رغم كل الكلام والجميل اللي قرأته في ردود الاخوه بس انا لازلت عن رأيي

النت وسيلة للتعارف وتبادل المعلومات عن الطرف الاخر في اطار امني

يعني ممكن نكون رأي في الشخصية اللي بنتعرف عليها ولنا مطلق الحريه وقتها

في ان نقول نعم ام لا اكون علاقة حب واقعيه ام لا النت لا ينقل المشاعر

لان المشاعر ليست بالكلام انما بالافعال كالغيرة والتعاطف وردود الافعال المحسوسه

ودي حجات ميقدرش النت يوصلها ولو حتي وصلت بسهوله اي حد ممكن يمثلها عليك

لانه ببساطه مختفي وراء ساتر جهاز الكمبيوتر ممكن يكون بيبعتلك ابتسامه وهو من

جهه اخري يكرهك وممكن العكس بس بردو النت اما بادرة خير او سوء في علاقات الحب

انا ابراهيم عاوز ابدى رايي فى الحب بس فى الاول عاوز اوضح حاجه مش شرط الحب بين اتنين حبايب ممكن بين الاخوات الاصدقاء مش لازم الحبايب لان الحب عطاء وثقه واحترام لمشاعر الاخرين .... لكن الحب هو اسمى شيئ فى الوجود واغلى شيئ بيحس بيه الانسان هو الحب و.......وخاصة الحب الصادق لان مش كل حب بيكون هو دا الحب ولا كل من حس باحساس مختلف يقول انا كدا بحب ولما يكتشف الحقيقه يقول الحب دا شيئ تافه بيلعب بالمشاعر لا لازم التاكد الاول لابد وان يكون الشخص الاخر او الطرف التانى بيبادلك نفس الشعور ويحس بيك ويحترم عواطفك ويقدرها